我送給自己的聖誕禮物: MOTOROLA MILESTONE

這一年的Smartphone種類繁多，iphone 3GS, htc hero, 等等都是理想之選；

但最近MOTO出的Milestone 集結多種公能，

keypad超薄易用，重量又不算太重，

可以用Android 2.0增加不同功能。Google Maps + GPS 非常好用。

Crystal Talk 更是一大正點。3.7" Touch screen support multiple touch,可以上網或睇相時好似iphone 咁放大。 所以我二話不說，香港一出行貨，我便去出機。

隨機附8M SD card 同 card reader, usb線 連 charge 電插頭，headset。

一返到公司仲引誘同事們去出機。

這個禮拜都向market樹download 緊software, 有d function 真係幾好用。

有左佢，就唔洗怕公司block左facebook 同youtube.

"Jump" Live in Hong Kong 2009

為什麼我對Jump這麼有興趣?
之前為左去南韓首爾作自由行, 睇左一大堆資料, 做左一份搜集作為安排行程之用。
上一次為左想在首爾找show看時, 曾經看到Jump的介紹已經好想一睇。
睇過了"亂打"show之後, 對於這類加入了即興和喜劇原素的動作show更加有了一種"喜愛"。
可惜, 去左3次 首爾都仲係未有時間空出來看Jump的Live show.

近日郤無意看到巴士上Jump的廣告片, 他們聖誕節要來香港表演了!

再看韓國觀光公社的介紹:
這是以韓國傳統武術跆拳道為主題的非語言舞台劇。在2006年2月在近1000席的倫敦PEACOCK劇場公演時，更是創下場場爆滿的票房紀錄。 

結合的跆拳道、雜耍特技、Taekkyeon，再配合恰如其分的音樂特效，將韓國傳統武術以非語言的形式，精采地呈現在觀眾眼前。 

最特別之處:
公演沒有特定的開幕，而是從觀眾中選出武林高手，上台一較高下的方式下，自然地展開公演。沒有事先規劃好的劇本，完全是以即興演出的方式進行，所以每次都能帶給觀眾不同的感受。誰也不知道下一位上台武林高手是不是自己，這種和公演融合在一起的演出方式，讓觀眾更為盡興。


今次Jump 來港過聖誕, 這樣我便不用等去首爾才可以看了。
link: http://www.hkticketing.com/

韓國巨星Rain主演電影 《忍者刺客》 (Ninja Assassin) 11月26日殺到！

《忍者刺客》故事大綱

仁藏(Raizo)(Rain鄭智薰 飾)是世上最厲害的刺客之一。

他在童年時被神秘組織小杉家族收養，把他由街童訓練成冷血的殺人機器。

仁藏因好友貝芙被組織殘酷地處死，仁藏因而受到很大影響，他更從此於組織中消失。

仁藏正等待機會去實行他的復仇大計。在柏林，歐洲刑警組織探員美加歌麗媞在偵查一宗涉及多宗政治謀殺及一個關於遠東地下刺客網絡的金錢交易中遇到阻礙。為了解謀殺案背後的真相，美加無視上司賴仁馬斯路的命令，翻查刑警最高機密的檔案。神秘組織小杉家族得知後誓言追刺美加，他們派出一隊由死神武為首的刺客去追殺她。仁藏及時拯救了美加，但他知道只有他倆都被剷除，小杉家族才會收手。仁藏和美加捲入了致命的貓捉老鼠遊戲中，他們只有互相信任才有望生存，擊倒小杉家族。

《忍者刺客》由華納影片公司與Legendary Pictures及Dark Castle Entertainment聯合貢獻；Silver Pictures及Anarchos Productions製作。《忍者刺客》由《V煞》導演占士麥提格執導，馬修辛特及J米高史積辛基編劇，馬修辛特原創故事，祖舒路華、華高斯基兄弟及Grant Hill監製。

《忍者刺客》由韓國巨星Rain鄭智薰飾演戲中主角仁藏，娜奧美夏莉斯(《加勒比海盜：決戰魔盜王》) 飾演歐洲刑警組織探員美加歌麗媞，賓米里斯 (《V煞》)飾演歐洲刑警組織密探賴仁馬斯路，傳奇武術家小杉正一(“Revenge of the Ninja”) 飾演冷血無情的小杉家族首領，尹成植 (《新鐵金剛之不日殺機》) 飾演仁藏的對手金城。

******

期待程度：９０％

進場可能性：１００％

好多人話女仔做咩鍾意睇d咁血腥暴力的戲，咁血腥暴力的戲都分好多種，我就比較喜歡動作同武打。

之前睇V煞都覺得ok, 今次仲要有亞Rain, 同忍者題材，都好有新鮮感。

咁今次又點可以唔入場支持下。

辦公室 vs 宮心計

忙碌完連續五天之後, 終於可以有個週末輕鬆一下。

過去幾個星期一直睡不好, 一睡著不停咁發夢, 醒左之後好似無訓過咁, 希望今晚有個好覺。

近日大家都在看tvb的宮心計, 我去看一下, 看到劇內人物互相計算, 就好似看到辦公室的明爭暗鬥。

同事(女史)之間是非不斷; 煽風點火; 見風轉舵; 見利忘義。

辦公室內大家見同事多過見屋企人, 好容易令人有錯覺認為大家係自己人坐緊一條船,

但往往推你落海的人就係坐向你身邊所謂的好同事好同僚。

所以千其唔好以為係好姊妹, 好兄弟, 就咩是非秘密都講。同你唱通街或者傳左去上司樹,

真係第日被人向背脊插左一刀都唔知咩事。

仲有d人中意同上司告枕頭狀, 向你面前就扮朋友, 你又咬佢唔入,

唔通你同佢反臉咩, 咪反而俾人覺得你有問題多過佢有問題。

平日都見咁多啦~ 所以套劇就唔係好想追落去睇。

(中文唔好, 可能打錯字不自知, 見諒)

令人垂涎三尺的Starbucks' Afternoon Tea

　　剛收Starbucks的宣傳電郵，提醒大家聖誕節來了，他們又預備了些超吸引人的甜品美食。

http://www.coffeeconcepts.com.hk/xmas09/en/xmas09.asp

最愛那件木頭蛋糕 (X'mas Chocolate Log) , 是我每年聖誕節的必食之選，

今年改了放上一顆小蘑菇，很可愛的造型。

其他都今年的新款式，要趕快去試一試了。

最想試是右邊的Chocolate crunch candle 同綠茶味的Lamington啦～

綠色的林明頓，好有趣呢～

試完之後會再向大家報告。

PSP-3006套裝「『小小大星球』PSP櫻粉紅套裝」11/17登場

SONY 昨日的新聞發佈了!

即將在香港限量推出「『小小大星球』PSP®櫻粉紅套裝」!!!

天使又要諗下敗唔敗家好了...定單買Game 好 (因為已有1部PSP-2006LP 薰衣紫)

之前8月份出的「丁香紫」新色, 都已經超吸引了, 宜家仲有我好想玩『小小大星球』... 唉...

預定日是11月17日在香港推出。

內有 PSP® (PlayStation®Portable) (PSP-3006系列)新色「櫻粉紅」(PSP-3006XZP)、

PSP®專用遊戲軟件『小小大星球』(中英文合版)，

以及限量版PSP® x 『小小大星球』環保袋，

建議售價港幣1,628元！

＜PSP® (PlayStation®Portable) (PSP-3006)商品概要＞

商品名稱	PSP® (PlayStation®Portable) (PSP-3006)
主機顏色	櫻粉紅(PSP-3006XZP) *註一
發售日期	2009年11月17日（二）
主機同捆	交流電轉換器×1 電池組×1

*註一：PSP®櫻粉紅將以限量套裝推出，恕不另單品發售。
更多詳情請參考PlayStation®官方網站http://asia.playstation.com/hk/cht

遊戲軟件

遊戲軟件名稱	小小大星球(中英文合版)
類型	動作
發售日期	2009年11月17日
售價	港幣$268
語言	英文
字幕	繁體中文・英文
發行商	Sony Computer Entertainment Inc.
版權文字標記©	©2009 Sony Computer Entertainment Europe. All Rights Reserved. Published by Sony Computer Entertainment Inc.
官方網頁	http://www.littlebigplanet.com

好吸引的 iPhone3GS 上台Plan for X'mas

　　近日香港網路商對於搶iPhone客樂此不疲, 今日3hk 出左個超吸引的 iPhone3GS 上台Plan, 果然大家好重視依個市場。

　　依家上台買iPhone3GS可免預繳，只要用DBS或COMPASS VISA去3香港申請做免息分期24個月就得 (32G $5460, 16G $4680 比Apple online store 貴約 $200)。不過回贈金額就因應月費Plan 各有不同 ($2580~4680不等, 仲要等到第24個月完左先回贈)。

　　月費Plan 由$198起, 到$248/298/398 任君選擇, 但一定要另加$28+增值組合, 至於隧道費$12 月費Plan$298以上可以豁免。雖然要簽24個月，但頭12個月都的數據用量係無限任用，即係唔駛俾$398 月費Plan，都可以經3G狂用iPhone 3GS下載唔同既野。但要留意12個月後會變返佢原先限額。例如$285計劃（月費$198+16G機價$87 估計機價回贈$2592) 就會自動跳返得200MB用。

　　另外，依個計劃直到1月31日，好似我一樣無card的朋友可以閃去開番張，可以聖誕前趕上依個咁吸引的Plan. ^^　

第一張失憶備忘錄

　　用了Google好一段日子，都知道有一叫Blogger的網誌function。

每次入到Blogger, 雖然都好奇人地點解可以寫到d 咁好的文章，

一路自己郤總拿不起心去開始試寫一個部落格(Blog)。

　　今日算是心血來潮, 終於走入來設定自己部落格的主題。

一向自己的文筆都唔算好，也沒咩好專長，只係鍾意八掛一下新奇的事同留意一d科技產品，聽歌睇電影打書釘等。

以前都有寫過一些追星網頁，但有主題的部落格郤是首次，

要決定寫什麼好呢？一時三刻真的有點難定～　

最終都決定只當作簡單的日誌來寫，反而會相對比較容易。

所以這個部落格的主題叫"Angel's amnesiac memo"(天使的失憶備忘錄）。

　　點解要叫失憶備忘錄？因為我真係會經常短暫性失憶。

我本身的記憶功能除左工作之外，別的東西差不多都記不住；對身邊的人／事看過後很快很容易便會遺忘。

你要我認人，就死硬；初認識的朋友的樣貌／名字，我都記不住。

如果要記購物清單，就一定會有遺漏，通常我一走出屋企個門口就會忘記，有時會到第二日先記得返。

　　所以希望這個部落格可以當作備忘錄或者日記來用，等我可以隨時睇返自己失去的記憶片段。